काठमाडौं । चर्चित कथावाचक साइग्रेस पोखरेलको अडियो नोभेल ‘अधुरो प्रेम’मा आधारित रहेर चलचित्र निर्माण हुने भएको छ । ‘वर्ड टुर विथ साइग्रेस’को ६०औँ शृंखलामा साइग्रेस आफैँले चलचित्र निर्माणको घोषणा गरेका हुन् ।

शिशिर खातीले निर्देशन गर्ने चलचित्रको कार्यकारी निर्माता ‘रङ्गेली’का निर्देशक अर्जुन सुवेदी रहेका छन् । चलचित्रको घोषणासँगै थिम पोस्टर पनि सार्वजनिक गरिएको छ । 

चलचित्र विसं. २०८२ सालमा रिलिज हुने निर्माणपक्षले जनाएको छ । साइग्रेसले आफ्नै युट्युब च्यानलमा तीन वर्ष अगाडि अपलोड गरेको १ घण्टा ४६ मिनेट लामो अडियो नोभेल ‘अधुरो प्रेम’ हालसम्म ६२ लाख भन्दा बढी पटक सुनिएको छ ।